Кімі Райканен: “Летась мы былі хуткімі на жвіры, але, верагодна, мне больш падабаецца асфальт. Цяжэй усяго будзе на сьнезе, бо на засьнежаным пакрыцьці траекторыі павінны быць ідэальна выверанымі, у той час як на асфальце не будзе вялікай праблемай, калі вы затармозіце напрыклад на метр пазьней і будзеце паварочваць больш рэзка. Акрамя таго, трэба быць гатовым “чытаць” жвір, на некаторых тыпах жвіру ў вас проста неверагодны ўзровень счапленьня на ралійных шынах, а на іншых тыпах гэтага няма. Першыя гонкі абавязкова будуць цяжкімі. Пакуль я не пазнаю наколькі хуткія астатнія гоншчыкі, я не буду падзялюся асабістымі чаканьнямі. Але я ўпэўнены, што не змагу спаборнічаць з вялікай чацьвёркай”.

Кімі Райканен: “У ралі ўсё вельмі добра ўладкавана, і атмасфера вельмі расслабляльная. Там значна менш палітыкі і чутак. У Формуле 1 не так шмат людзей, якія могуць пайсьці і пагутарыць з іншай камандай ці проста пабадзяцца па паддоку, а WRC куды больш адкрытая серыя. Тут значна прыемнейшыя адчуваньні. Тут значна лягчэй казаць тое, што жадаеш. У Формуле 1 калі ты штосьці кажаш не так, то ў адказ чуеш шмат глупства. А тут атмасфера больш паслабленая. Формуле 1 ёсьць чаму павучыцца ў WRC.

Я заўсёды быў вялікім фанатам ралі. Жадаў паспрабаваць сябе ў ім, і калі мне гэта атрымалася, то спадабалася. Я таксама адчуў, што гэты досьвед дапамог мне і ў Формуле 1, нават нягледзячы на тое што гэта абсалютна розныя серыі. Прынамсі, я думаў, што гэта мне дапамагае. Я маю на ўвазе, што ў ралі трэба быць вельмі дакладным, асабліва калі вы едзеце па сьнезе і ў вас ёсьць толькі адна траекторыя. Калі вы адхіліцеся ад яе, то закраняце друзлы сьнег і лёгка можаце выляцець.

У ралі ёсць шмат рэчаў, якія неабходна рабіць, і таксама патрабуецца прыкладваць вялікія высілкі да таго, каб слухаць дарожныя нататкі. У ралі па ходзе гонкі адбываецца значна больш рэчаў, якія могуць усё зьмяніць, чым у Формуле 1. Гэта весела, таму што вельмі лёгка перашчыраваць у пілатажы ці праслухаць легенду трасы. Самае цяжкае спачатку гэта менавіта складаньне легенды трасы, а потым і яе выслухваньне. Для гоншчыкаў з Формулы 1 ці з любой іншай серыі, дзе няма штурмана, трэба проста канцэнтравацца на пілатажы.

Але ў ралі трэба вельмі шмат слухаць, і патрабуецца час, каб абвыкнуць да гэтага. Насамрэч гэта зьяўляецца найвялікай праблемай. Кіраваньне ў некаторых месцах бывае цяжкім, але калі вы правільна робіце пазнакі і слухаеце іх, то з пілатажам усё будзе ў парадку”.

Кімі Райканен грунтоўна падышоў да свайго паўнавартаснага дэбюту ў Чэмпіянаце сьвету па ралі (WRC), і акрамя звычайных тэстаў, прыме ўдзел у Arctic Lapland Rally – адным з этапаў нацыянальнага фінскага першынства. У гэтай знакамітай гонцы, якая праходзіць на мяжы Палярнага круга, Кімі будзе выступаць за рулём Citroen C4 WCR.

Кай Ліндстром (штурман Райканена): “Arctic Lapland Rally – ключавы этап у нашай праграме падрыхтоўкі. Мы ўжо выступалі тут на Fiat, і больш-менш ведаем трасу. Так што ралі стане добрай магчымасьцю прызвычаіцца адзін да аднаго, а для Кімі яшчэ і патрэніравацца ганяць па стэнаграме”.

“Ён не езьдзіў на слых з Ралі Фінляндыі. Наколькі я ведаю, маршрут Arctic Lapland Rally сёлета не зьмяніўся, і мы зможам выкарыстоўваць леташнюю стэнаграму”.

Стыў Робэртсан (мэнэджэр Райканена): “Mercedes GP хацелі падпісаць кантракт з Кімі. Проста да таго моманту ён ужо вырашыў выступаць у WRC. А калі Кімі прымае нейкае рашэньне, то ён ужо не адмаўляецца ад яго”.

У той жа час кіраўнік каманды Ferrari Стэфано Дамэнікалі сказаў, што Райканен ужо даўно марыў сесьці за руль ралійнага аўто.

Стэфано Дамэнікалі (Ferrari): “На працягу некалькіх гадоў Кімі казаў мне пра гэта. Ён заўсёды жадаў выступаць у чэмпіянаце WRC. Думаю, у наступным годзе ён зможа пераканаць усіх скептыкаў. На мой погляд, Кімі адразу зможа паказаць нядрэнныя вынікі. Ён таленавіты гоншчык. І гэтыя якасьці ён зможа прадэманстраваць у ралі”.

Французская прэса піша аб цікавых чутках з нагоды магчымага ўдзелу Кімі Райканена ў легендарнай гонцы 24 гадзіны Ле Мана ў 2010.

Калі верыць гэтым чуткам, яго напарнікам стане дзейсны чэмпіён WRC Себастьян Лёб, які нядаўна ўжо правёў тэсты на прататыпе. Мяркуецца, што гоншчыкі сядуць за стырно Peugeot 908 HDI.

Citroen і Peugeot ўваходзяць у адну карпарацыю – PSA Peugeot Citroën, суадносна маюць агульную аўтаспартыўную праграму.

Былы пілот Формулы 1 перайшоўшы ў WRC, Кімі Райканен можа стаць пілотам заводзскай каманды Citroen пасля 2010 году, калі ён зможа дасягнуць значных посьпехаў у наступным сезоне. Аліўе Кюнель, кіраўнік каманды Citroen, пацьвердзіў паведамленьні пра тое, што Кімі падпісаў кантракт толькі на 2010 год. Аднак удакладніў, што, калі справы пойдуць, фін ня супраць працягнуць кантрактныя дамоўленасьці і на далей.

Аліўе Кюнель (Citroen): “Мы не патрабуем ад яго немагчымага ў наступным сезоне, але празрыста ясна, што калі ён даможацца прагрэсу і прадэманструе неабходны ўзровень, ён зможа патрапіць у асноўную каманду ў 2011″.

Сезон-2010 Кімі Райканен правядзе ў камандзе Citroen Junior, у той час як за старэйшую каманду Citroen будуць выступаць Даніэль Сордо і Себасцьян Лёб.

Паводле штогадовай Autosport Awards у намінацыі найлепшае ралійнае аўто перамог Citroen C4. Менавіта на гэтай мадэлі Себасцьян Лёб заваяваў чарговы чэмпіёнскі тытул WRC.

На цырымоніі ўзнагароджаньня, якая адбылася ў Лондане, ганаровы трафей з рук Ары Ватанена атрымаў дырэктар Сітраен у Брытаніі Гары Сэвідж.

Гары Сэвідж (Citroen): “Мы заваявалі чэмпіянат пяты раз, гэта быў неверагодны сезон для ўсіх людзей у Citroen. Думаю, што ў наступным годзе, калі за нас будзе выступаць Кімі Райканен, пілот і чэмпіён Формулы 1, усё будзе яшчэ больш захапляльным”.

Новы штурман Кімі Райканена Кай Ліндстрэм сьцвярджае, што яго напарнік – не тыповы пачатковец WRC, а дасьведчаны і таленавіты гоншчык. Аднак варта прызнаць, што ў ралі свая спецыфіка і зьмена гоначнай дысцыпліны – сапраўдны выклік для Кімі.

Кай Ліндстрэм: “Вядома, гэта сапраўдны выклік, але на ралі Фінляндыі ён прадэманстраваў, што прыходзіць у WRC з іншым узроўнем падрыхтоўкі, чым іншыя пачаткоўцы. Але стварэньне стэнаграмы стане выклікам для Кімі. Ён павінен будзе зрабіць усё безпамылкова на ўсіх 12 ралі”.

Таксама, па меркаваньні Ліндстрэма, Кімі мусіць хутка запамінаць маршруты. Дасьведчаныя гоншчыкі знаёмыя з трасамі лепш пачаткоўцаў і здабываюць з-за гэтага вялікую перавагу.

Новы сезон стартуе ў лютым 2010 у Швецыі. Аднак у якасьці падрыхтоўкі да сезону Кімі Райканен прыме ўдзел у ралі Лапландыі, якое пройдзе з 28 па 30 студзеня.

Photo by by Wenny118 (WRC 2009)

Кімі Райканен падпісаў кантракт з камандай Citroen Junior Team. Чэмпіён Формулы 1 зараз будзе ганяць на Citroen C4 WRC.

У наступным сезоне фін праедзе 12 з 13 этапаў WRC – усе гонкі, акрамя этапу ў Новай Зеландыі. Партнёрам Кімі па Citroen Junior Team стане Себасцьен Ож’е. З якім штурманам будзе выступаць Райканен у наступным сезоне – пакуль не ўдакладняецца. У сваёй першай гонцы чэмпіянату – Ралі Фінляндыі, які прайшоў у ліпені, ён выступаў з Каем Ліндстрамам. Праўда ў той гонцы фінскі экіпаж не даехаў да фінішу, выляцеўшы з трасы на апошнім суботнім допе. Да гэтай аварыі фінскі пілот займаў трэцяе месца ў заліку групы N.

Кімі Райканен: “Я вельмі хацеў правесьці ў ралі нейкі этап сваёй кар’еры, дзякуючы Red Bull у мяне з’явілася магчымасьць сесьці за руль найлепшай машыны – Citroen C4. Гэта новы, захапляльны выклік. Пакуль мы падпісалі толькі аднагадовы кантракт, паглядзім, як усё складзецца. Я з нецярпеньнем чакаю тэстаў і старту першай гонкі”.

Фота з сайту F1news.ru

Віцэ-чэмпіён WRC 2009 Міко Хірванен перасьцерагае, што Кімі Райканена можа мець цяжкасьці, калі ён вырашыць дэбютаваць у ралі.

Як вядома Кімі не будзе выступаць у Формуле 1 у наступным сезоне пасьля таго, як яго перамовы з McLaren завершыліся нічым. Таму фін вырашыў заняцца любімай справай – ралі.

Кімі Райканен ужо дэбютаваў у галоўнай ралійнай серыі на ралі Фінляндыя за рулём машыны класа Super 2000, і, да таго як ён патрапіў у аварыю, дэманстраваў сапраўды выдатную хуткасьць для пачаткоўца. Але гэтага досьведу недастаткова, лічыць Міко Хірванен.

Міко Хірванен: “Кімі вельмі хуткі, у яго няма праблем з пілатаваньнем. Але рух пад стэнаграму – гэта складаная для яго задача. Мы (гоншчыкі WRC) маем значна большы досьвед ў гэтай справе. Да таго ж амаль усё ралійныя трасы незнаёмыя для Кімі. Цяжка ўявіць, што ён можа атрымаць посьпех у сваім дэбютным сезоне”.

Цімо Юкі (мэнэджэр Хірванена): “Кімі сапраўды таленавіты пілот. Ніхто з пілотаў Формулы 1 не выступаў у WRC на такім узроўні. Аднак, ралі патрабуе вялікага досведу, таму я лічу, што ў Кімі няма шанцаў на поспех у першы год. Ралійны спорт вельмі складаны і патрабавальны да досьведу”.

Photo by Massimo Bettiol/Getty Images