Фанат ралі і пілот F1 Робэрт Кубіца прыме ўдзел у Ралі Монтэ Карло, якое пройдзе 19 студзеня 2010. Паляк выступіць на самым знакамітым этапе IRC на Renault Clio R3.

Робэрт ужо апробаваў ралійны аўто Renault Clio R3 на этапе IRC ў канцы мінулага году. У лістападзе ён стартаваў у сіцылійскім Ралі і ў французскім Ралі ду Вар. Акрамя таго, яшчэ да гэтых выступаў паляк спрабаваў на тэстах Skoda Fabia WRC. Аднак выступ на такой прэстыжнай трасе, як Монтэ-Карла, стане значна важнейшай падзеяй для Кубіцы.

У Ралі Монтэ Карло стартуе яшчэ адна зорка аўтаспорту – віцэ-чэмпіён сьвету па ралі Міко Хірванен. Фін прыме ўдзел у гонцы на машыне Ford Fiesta S2000, і па яго словах, разглядае гэты этап як частка падрыхтоўкі да новага сезону WRC.

Міко Хірванен: “Калі я еду на жвіры, я заўсёды разумею, што адбываецца з машынай. На асфальце – усё ня так адназначна для мяне. Таму мне патрэбныя трэніроўкі на асфальце з Робом Ўілсанам, нашым трэнерам. Толькі не падумайце, што я зьбіраюся ўдзельнічаць у кольцавых гонках. Я проста хачу зразумець, як і дзе тармазіць на асфальце. Упэўнены, практыка на трэку дасьць мне неабходныя навыкі”.

У сезоне 2009 гады ў календары WRC была ўсяго адна чыста асфальтавая гонка і адна праходзілая на змяшаным пакрыцці. Абодва этапу выйграў Себастьен Леб. У наступным сезоне іх будзе чатыры.

Двухразовы чэмпіён сьвету Маркус Гронхольм у чарговы раз вяртаецца з пенсіі ў WRC. Сёння ён паведаміў, што прыме ўдзел у першым этапе чэмпіянату-2010 Ралі Швецыі з 10 па 14 лютага. Маркус – пяціразовы пераможца гэтай гонкі. Тройчы ён выйграваў за рулём Peugeot і двойчы за Ford . Сваё апошняе ралі ў WRC фін правёў у Партугаліі ў 2009 на Subaru Impreza. Зараз ён вернецца за руль звыклага аўтамабіля – Ford Focus WRC прыватнай каманды Therminator. Месца штурмана, як заўсёды зойме Цімо Раўтыайнен.

Маркус Гронхольм: “Мая мэта – перамагчы ў Ралі Швецыі! Аднак не трэба забываць, што сёння ў мяне няма такой практыкі, як у лепшых гоншчыкаў чэмпіянату. Але я спадзяюся нагнаць гэта адставаньне на тэстах”.

8 сьнежня Міко Хірванен выйграў Мемарыял Бетэгі, які праходзіў на Bologna Motor Show у Італіі.

Спаборніцтва складалася з двух этапаў: начной гонкі і ралі-спрынту. Вялікая частка выступаў прайшла пад праліўным дажджом, што зрабіла трасу вельмі слізкай.

Міко Хірванен, які выступаў на Ford Focus RS, перамог і ў начным спрынце ў панядзелак, і ў ралі-спрынце ў аўторак, абодва разы апярэдзіўшы француза Себасцьена Ож’е на Citroen C4.

Спаборніцтва прыцягнула вялікі лік вядомых гоншчыкаў, уключаючы былога чэмпіёна сьвету па ралі Маркуса Гронхальма на Subaru Impreza, і Петэра Сольберга на Citroen Xsara. У Мемарыяле таксама ўдзельнічаў дзевяціразовы чэмпіён сьвету па матагонках Валянціна Росі, які сеў за стырно Ford Focus. Сольберг і Гронхальм у абедзвюх гонках фінішавалі на трэцім і чацвёртым месцах адпаведна.

Міко Хірванен: “Я ўжо выступаў тут аднойчы, шэсьць гадоў таму, але з тых часоў траса значна палепшылася. Траса вельмі хуткая, і акрамя таго шырокая, так што можна не баяцца рызыкаваць. Мне вельмі спадабалася, і вядома заўсёды выдатна паспаборнічаць з маім былым таварышам па камандзе Маркусам”.

Мемарыял Бетэгі – адно з самых прэстыжных спаборніцтваў, якое праводзіцца ў рамках Bologna Motor Show. Ён названы ў гонар італьянскага гоншчыка Аціліё Бетэгі, загінуўшага ў 1985 году падчас Тура дэ Кара.

У італьянскай Монцы адбылося Монца Ралі, у якім прыняў удзел шматразовы чэмпіён MotoGP Валянціна Росі на Ford Focus RS WRC.

Росі й яго штурман Карла Касіна ўжо выйгравалі Монца Ралі ў 2006 годзе. Сёлета Валянціна таксама быў вельмі блізкі да перамогі, але памылка, дапушчаная практычна пад фініш гонкі прывяла да развароту і страце першага месца. Перамога ж дасталася заводзкаму гоншчыку Audi Рынальдо Капэла, які выступаў у Монцы на Citroen C4 WRC.

Валі традыцыйна ўдзельнічае ў ралі-спрынце ў Монцы, пачынаючы з 1995 года, у якім ён упершыню стаў чэмпіёнам сьвету па матагонках у класе 125 кубікаў.

Таксама на рахунку італьянца лічацца тры выступы на этапах WRC, паказаўшы найлепшы вынік на ралі Новая Зэляндыя 2006 году на Subaru Impreza. Тады Валі стаў 11-тым па выніках ралі.

У наступным годзе таксама чакаецца зьяўленьне Росі на адным з этапаў WRC. Плануецца, што гэта будзе ралі Мексіка. А баявой машынай матагоншчыка ізноў стане Ford Focus RS.

Photo © Luigi Bianchetti