Себасцьян Лёб з жонкай выйгралі ралі du Var‎, а Кубіца фінішаваў 29-м

Шасціразовы чэмпіён сьвету па ралі Себасцьян Лёб выйграў заключны этап французскага першынства – Rallye du Var. Штурманам была яго жонка Севярына.

Себасцьян Лёб: “Летась мы фінішавалі на подыуме на Citroën C2 S1600, пасьля чаго бос каманды Аліўе Кеснель прапанаваў выступіць ізноў, але ўжо на C4 WRC. Мы не вагаліся ні секунды. Абсалютна не хваляваліся і ставілі перад сабой адзіную мэту – пацешыць гледачоў.”

“Заўсёды прыемна выйграваць. Акрамя таго, мне больш падабаецца цалаваць на подыуме Севярыну, а не майго звычайнага штурмана Даніэля Элену”.

Пацешыць гледачоў вырашыў і пілот Формулы 1 Роберт Кубіца, які выступаў на машыне Рэно (Renault Clio). Паляк закончыў ралі на неблагой 29-й пазіцыі.

30.11.2009    Ралі WRC   – Kubica, Loeb, Rallye du Var