За ўсесь сезон гоншчыкі WRC пракалолі 19 шын Pirelli

Pirelli – афіцыйны пастаўшчык шын WRC з 2008 году. Покрыўкі гэтай кампаніі абавязаны выкарыстоўваць усе каманды чэмпіянату.

З дзевяці тысяч шын, скарыстаных у Чэмпіянаце сьвету па ралі 2009, толькі 19 былі пашкоджаны з прычыны праколаў. Такія высновы вынікаюць са статыстычных дадзеных, сабраных кампаніяй Pirelli.

З 2008 году былі забаронены адмысловыя мусы для абароны ад праколаў, таму надзейнасьць шын выклікала вялікія турботы з боку камандаў.

Статыстычныя дадзеныя былі сабраныя пасля экспертызы ўсіх праколатых шынаў, скарыстаных гоншчыкамі WRC. У выніках не ўлічваліся шыны, якія здуліся з-за дэфекту клапанаў, паломкі вобада кола ці якія зляцелі з дыска.

Марыё Ісола (Pirelli): “Я думаю, што мы паказалі добры вынік. Перад нашым першым сезонам у якасьці пастаўшчыкоў шын у 2008 годзе праколы і адсутнасьць адмысловых герметыкаў сталі прадметам турботы для каманд. Зараз, пасьля двух гадоў, я думаю, што гэта праблема вырашына”.

4.12.2009    Ралі WRC   – Pirelli