Райканен мог бы застацца ў F1, але выбраў WRC

Кімі Райканен мог бы стаць адным з самых запатрабаваных гоншчыкаў на трансферным рынку пілотаў міжсезоньня. Але фін зрабіў выбар у карысць чэмпіянату WRC, падпісаўшы кантракт з камандай Citroen. Як апынулася, Райканен мог стаць пілотам F1 Mercedes, аднак гэтага так і не адбылося.

Стыў Робэртсан (мэнэджэр Райканена): “Mercedes GP хацелі падпісаць кантракт з Кімі. Проста да таго моманту ён ужо вырашыў выступаць у WRC. А калі Кімі прымае нейкае рашэньне, то ён ужо не адмаўляецца ад яго”.

У той жа час кіраўнік каманды Ferrari Стэфано Дамэнікалі сказаў, што Райканен ужо даўно марыў сесьці за руль ралійнага аўто.

Стэфано Дамэнікалі (Ferrari): “На працягу некалькіх гадоў Кімі казаў мне пра гэта. Ён заўсёды жадаў выступаць у чэмпіянаце WRC. Думаю, у наступным годзе ён зможа пераканаць усіх скептыкаў. На мой погляд, Кімі адразу зможа паказаць нядрэнныя вынікі. Ён таленавіты гоншчык. І гэтыя якасьці ён зможа прадэманстраваць у ралі”.

11.12.2009    Ралі WRC   – Citroen, Ferrari, Formula 1, Mercedes, Raikkonen