На афіцыйным сайце швэдскага ралі (www.rallysweden.com) апублікаваны маршрут і расклад ралі 2010. Першы этап Сусьветнага чэмпіянату па ралі ў гэтым годзе распачнецца “супэрспэшлам” 11 лютага з гарадку Карлстад і завершыцца 14 лютага.

* CET – Час сярэднеэўрапейскі (-1 гадзіна ад мінскага часу)

WRC. Маршрут Ралі Швэцыі 2010

На старце сезону чэмпіянат сьвету па ралі не даваў надзей на якую б там ні было інтрыгу. Пяціразовы чэмпіён Себастьян Лёб з Citroen упэўнена выйграў пяць гонак запар, забясьпечыўшы сабе самавіты зачын па пойнтах. Аднак другую палову чэмпіянату нечакана моцна правёў лідэр Ford Міко Хірванен. На фоне памылак Лёба фін атрымаў перамогу ў чатырох гонках запар і ў выніку змог нават апярэдзіць француза ў асабістым заліку.

Лёс тытула вырашаўся ў самай апошняй гонцы сезону – Ралі Брытаніі.

Перад фінальным этапам Хірванен апярэджваў Лёба на 1 пойнт, аднак меў меншую колькасьць перамог, што зводзіла інтрыгу да простай формулы – хто прыязджае першым, той і чэмпіён. У выніку, фартуна аказалася на баку Лёба. На адным з допаў у Хірванена адарваўся капот, перакрэсліўшы ўсе надзеі на перамогу. За ўвесь сезон адзінай гонкай, якую выйграў не Лёб і не Хірванен, стала Ралі Сардзінія, дзе перамог пілот Ford Ярыны-Маты Латвала. Ён жа запомніўся самай відовішчнай аварыяй, калі на Ралі Партугаліі Латвала выляцеў з трасы, і яго аўто перавярнулася праз дах сямнадцаць разоў запар.

Паводле Auto.Lenta.ru

Фанат ралі і пілот F1 Робэрт Кубіца прыме ўдзел у Ралі Монтэ Карло, якое пройдзе 19 студзеня 2010. Паляк выступіць на самым знакамітым этапе IRC на Renault Clio R3.

Робэрт ужо апробаваў ралійны аўто Renault Clio R3 на этапе IRC ў канцы мінулага году. У лістападзе ён стартаваў у сіцылійскім Ралі і ў французскім Ралі ду Вар. Акрамя таго, яшчэ да гэтых выступаў паляк спрабаваў на тэстах Skoda Fabia WRC. Аднак выступ на такой прэстыжнай трасе, як Монтэ-Карла, стане значна важнейшай падзеяй для Кубіцы.

У Ралі Монтэ Карло стартуе яшчэ адна зорка аўтаспорту – віцэ-чэмпіён сьвету па ралі Міко Хірванен. Фін прыме ўдзел у гонцы на машыне Ford Fiesta S2000, і па яго словах, разглядае гэты этап як частка падрыхтоўкі да новага сезону WRC.

Кімі Райканен: “Летась мы былі хуткімі на жвіры, але, верагодна, мне больш падабаецца асфальт. Цяжэй усяго будзе на сьнезе, бо на засьнежаным пакрыцьці траекторыі павінны быць ідэальна выверанымі, у той час як на асфальце не будзе вялікай праблемай, калі вы затармозіце напрыклад на метр пазьней і будзеце паварочваць больш рэзка. Акрамя таго, трэба быць гатовым “чытаць” жвір, на некаторых тыпах жвіру ў вас проста неверагодны ўзровень счапленьня на ралійных шынах, а на іншых тыпах гэтага няма. Першыя гонкі абавязкова будуць цяжкімі. Пакуль я не пазнаю наколькі хуткія астатнія гоншчыкі, я не буду падзялюся асабістымі чаканьнямі. Але я ўпэўнены, што не змагу спаборнічаць з вялікай чацьвёркай”.

Міко Хірванен: “Калі я еду на жвіры, я заўсёды разумею, што адбываецца з машынай. На асфальце – усё ня так адназначна для мяне. Таму мне патрэбныя трэніроўкі на асфальце з Робом Ўілсанам, нашым трэнерам. Толькі не падумайце, што я зьбіраюся ўдзельнічаць у кольцавых гонках. Я проста хачу зразумець, як і дзе тармазіць на асфальце. Упэўнены, практыка на трэку дасьць мне неабходныя навыкі”.

У сезоне 2009 гады ў календары WRC была ўсяго адна чыста асфальтавая гонка і адна праходзілая на змяшаным пакрыцці. Абодва этапу выйграў Себастьен Леб. У наступным сезоне іх будзе чатыры.

У наступным годзе Ралі Фінляндыі сьвяткуе свой юбілей – 60 гадоў. Правядзеньне пышнага старту з цэнтра горада Ювяскюля – прымеркавана менавіта да гэтай падзеі.

Ціна Лехманен (Ралі Фінляндыя): “Наша канцэпцыя юбілею разьлічана больш за на тры дні. Імпрэза ў чацьвер адкрые super special у цэнтры горада. У пятніцу і суботу гоншчыкі праедуць ледзь больш 300 кіламетраў, а завершыцца гонка канцэртам. Super special на стадыёне, які мы праводзілі ў апошнія гады, гэтым разам не адбудзецца”.

Ярмо Махонен (Ралі Фінляндыя): “У нас вялікія планы на 2011 год, калі вы станеце сьведкамі самых значных зьменаў у Ралі Фінляндыі за апошнія 60 гадоў, але мы вернемся да гэтага ў падыходны момант, гэта значыць увосень 2010 гаду”.

У 2009 годзе Ралі Фінляндыі выйграў фін Міко Хірванен.

Кімі Райканен: “У ралі ўсё вельмі добра ўладкавана, і атмасфера вельмі расслабляльная. Там значна менш палітыкі і чутак. У Формуле 1 не так шмат людзей, якія могуць пайсьці і пагутарыць з іншай камандай ці проста пабадзяцца па паддоку, а WRC куды больш адкрытая серыя. Тут значна прыемнейшыя адчуваньні. Тут значна лягчэй казаць тое, што жадаеш. У Формуле 1 калі ты штосьці кажаш не так, то ў адказ чуеш шмат глупства. А тут атмасфера больш паслабленая. Формуле 1 ёсьць чаму павучыцца ў WRC.

Я заўсёды быў вялікім фанатам ралі. Жадаў паспрабаваць сябе ў ім, і калі мне гэта атрымалася, то спадабалася. Я таксама адчуў, што гэты досьвед дапамог мне і ў Формуле 1, нават нягледзячы на тое што гэта абсалютна розныя серыі. Прынамсі, я думаў, што гэта мне дапамагае. Я маю на ўвазе, што ў ралі трэба быць вельмі дакладным, асабліва калі вы едзеце па сьнезе і ў вас ёсьць толькі адна траекторыя. Калі вы адхіліцеся ад яе, то закраняце друзлы сьнег і лёгка можаце выляцець.

У ралі ёсць шмат рэчаў, якія неабходна рабіць, і таксама патрабуецца прыкладваць вялікія высілкі да таго, каб слухаць дарожныя нататкі. У ралі па ходзе гонкі адбываецца значна больш рэчаў, якія могуць усё зьмяніць, чым у Формуле 1. Гэта весела, таму што вельмі лёгка перашчыраваць у пілатажы ці праслухаць легенду трасы. Самае цяжкае спачатку гэта менавіта складаньне легенды трасы, а потым і яе выслухваньне. Для гоншчыкаў з Формулы 1 ці з любой іншай серыі, дзе няма штурмана, трэба проста канцэнтравацца на пілатажы.

Але ў ралі трэба вельмі шмат слухаць, і патрабуецца час, каб абвыкнуць да гэтага. Насамрэч гэта зьяўляецца найвялікай праблемай. Кіраваньне ў некаторых месцах бывае цяжкім, але калі вы правільна робіце пазнакі і слухаеце іх, то з пілатажам усё будзе ў парадку”.

Двухразовы чэмпіён сьвету Маркус Гронхольм у чарговы раз вяртаецца з пенсіі ў WRC. Сёння ён паведаміў, што прыме ўдзел у першым этапе чэмпіянату-2010 Ралі Швецыі з 10 па 14 лютага. Маркус – пяціразовы пераможца гэтай гонкі. Тройчы ён выйграваў за рулём Peugeot і двойчы за Ford . Сваё апошняе ралі ў WRC фін правёў у Партугаліі ў 2009 на Subaru Impreza. Зараз ён вернецца за руль звыклага аўтамабіля – Ford Focus WRC прыватнай каманды Therminator. Месца штурмана, як заўсёды зойме Цімо Раўтыайнен.

Маркус Гронхольм: “Мая мэта – перамагчы ў Ралі Швецыі! Аднак не трэба забываць, што сёння ў мяне няма такой практыкі, як у лепшых гоншчыкаў чэмпіянату. Але я спадзяюся нагнаць гэта адставаньне на тэстах”.

Кімі Райканен грунтоўна падышоў да свайго паўнавартаснага дэбюту ў Чэмпіянаце сьвету па ралі (WRC), і акрамя звычайных тэстаў, прыме ўдзел у Arctic Lapland Rally – адным з этапаў нацыянальнага фінскага першынства. У гэтай знакамітай гонцы, якая праходзіць на мяжы Палярнага круга, Кімі будзе выступаць за рулём Citroen C4 WCR.

Кай Ліндстром (штурман Райканена): “Arctic Lapland Rally – ключавы этап у нашай праграме падрыхтоўкі. Мы ўжо выступалі тут на Fiat, і больш-менш ведаем трасу. Так што ралі стане добрай магчымасьцю прызвычаіцца адзін да аднаго, а для Кімі яшчэ і патрэніравацца ганяць па стэнаграме”.

“Ён не езьдзіў на слых з Ралі Фінляндыі. Наколькі я ведаю, маршрут Arctic Lapland Rally сёлета не зьмяніўся, і мы зможам выкарыстоўваць леташнюю стэнаграму”.

Стыў Робэртсан (мэнэджэр Райканена): “Mercedes GP хацелі падпісаць кантракт з Кімі. Проста да таго моманту ён ужо вырашыў выступаць у WRC. А калі Кімі прымае нейкае рашэньне, то ён ужо не адмаўляецца ад яго”.

У той жа час кіраўнік каманды Ferrari Стэфано Дамэнікалі сказаў, што Райканен ужо даўно марыў сесьці за руль ралійнага аўто.

Стэфано Дамэнікалі (Ferrari): “На працягу некалькіх гадоў Кімі казаў мне пра гэта. Ён заўсёды жадаў выступаць у чэмпіянаце WRC. Думаю, у наступным годзе ён зможа пераканаць усіх скептыкаў. На мой погляд, Кімі адразу зможа паказаць нядрэнныя вынікі. Ён таленавіты гоншчык. І гэтыя якасьці ён зможа прадэманстраваць у ралі”.